Internet par surf karte hue yaa kuch padhte hue naya idea aa jaye to ek blogger fat se us subject ka post bana kar publish karne ki sochta hai. Lekin usi vakt computer chalu karne par dimag ka dahi kar dene vala message display ho jaye ki Window 7 not responding to sir ghum jata hai.
Kaam ke beech me aisi error aane par work quality par bhi asar padta hai. Aur aisi choti moti error dur karne ke liye baar baar technician ko bulana bhi mushkil hai.
Isi liye aaj mai is Window 7 not responding naam ki sheitaan error kaa easy solution batane jaa raha hu, taki aap bina koyi kharcha kiye is error ko dur kar ke apne computer ko durust kar sake.
Kyu display hota hai “Window 7 not responding” error?
Is prakaar ki vahiyaat error aane ke piche kai karan ho sakte hai. jaise ki Computer par sahi Antivirus naa hona, Web browser faulty hona, Web browser me be vajah ke dher sare plugins hona, Computer System ke kuch drivers currepted ho jana, Tune-up failure hona, kisi prakaar kaa hardware issue, Microsoft outlook issue, registry me kuch fault hona, save kar rakhi kuch files yaa saved data ka kaa currept ho jana, yaa fir computer par had se zyada load panda. In me se kisi bhi karan yaa kisi anya fault ke karan Window 7 not responding error aap ke computer ko slow kar sakti hai.
Window 7 Not Responding Error ko Dur Karne ka Solid Samadhaan
1-sab se pahle apne computer ko force shut down kar de, jab computer not responding ka message display kare. Kripiya is baat ka dhyaan rakhe ki force shut down karne par un-saved data loss ho sakta hai. Ab apne computer system ko restart kar de, aur fir apne computer ke hard drive ko defragment kar de.
2-Defragment process karne ke liye is root par jaye. Click start button->All Programs->Accessories->System toots->Disk Defragment.
3-point one or point two ko karne se pahle ye baad sunischit kar le ki aap as a administrator log in hai. As a user aap ko is Defragment process problem se chutkara nahi milega. Is liye is task ko shuru karne se pahle right click kar ke admin mode select kar lijye ya as a admin system me login kar le.
4- apne computer par spy ware ya virus ya bot infection hai ya nahi is ki jaanch ke liye ek baar full antivirus scan kijiye. Computer system ke hang hone aur slow hone ke piche yeh teen bade karan hote hai. (Note-antivirus updated hi rakhe.)
5- apne computer system ke configuration par ek nazar dale, agar aapne window copy upgrade ki hai to ye sunischit kar le ki nahyi window 7 ki requirement ke mutabik aap ke computer system ka ram, memory, aur anya hardware supportive hai yaa hardware kam pad raha hai. Kai baar updated version ki requirement zyada hoti hai aur computer ki capacity kam hoti hai, is karan bhi system Window 7 not responding issue kaa shikaar ho sakta hai.
6-Comouter par heavy software insatall kar rakhe hai to bhi computer hang ho sakta hai. Is liye regular use hone vale software hi installed rakhe, kabhi kabhi use hone vale software use karne ke samay insatall kar ke kaam pura hote hi uninstall kar de.
7-book marks aur saved pages ki sankhya browser me adhik naa badhne de. Catch memory hamesha delete karte rahe. Browsing history bhi har din yaa har hafte browser se delete kare. is problem ke karan bhi Window 7 not responding ka issue ho sakta hai.
8-computer ke har driver ko update karte rahena chahiye. Gaming console, printers, scanners, aur anya attachment ke software aur dusre anya software ko scan kar ke hi system me dale.
9-regestry operate karne ka knowledge hai to vaha se bhi currepted files aur software delete / remove kiye jaa sakte hai. Aur Window 7 not responding error dur ki jaa sakti hai. Par naye nov-sikhiye ko registry me badlav karne ki salah nahi hogi. Kyu ki galat file yaa software delete kar dene se system crash bhi ho sakta hai.
10-sare upaay aazmane ke baad bhi agar Window 7 not responding issue slove naa ho paye to zaruri data back-up le kar window 7 re-install kar lena chahiye. Data backup kaise lena hai aur window copy kaise install karni hai is bare me hamari agli aane vali post me details mil jayegi. Aur agar aap abhi ye process kar lena chahe to youtub par yaa google search me “how to install window 7” likh kar search kare. Is Vishay par internet me hazaro videos aur articles available hai.
Conclusion
Computer ka bhi kuch hamare pet jaisa hi hai. Had se adhik kha liya to pet thik nahi raheta. Vaise hi kam RAM aur low configuration vale computer system par zyada load diya to uska kharab hona tey hai. Is liye zaruri software hi install rakhe. Computer ke liye cooling pad ka use kare. Computer par Ek sath dher sare files operate naa kare. Bina antivirus ke computer par internet naa chalaye. Anjaan website se data download naa kare. Anjaan e-mails naa khole. Kisi ki bhi Pen drive virus scan ke bina apne computer me attach naa kare. Window 7 not responding error ke bare me likha ye article pasand aaye to comment zarur kare. Thanks for Reading Full Post.
My Name Is Rupal Badiyani and I am A Full Time Blogger / Writer, I am running This website For Sharing Valuable Information. Making online money is my second intention. I welcome all readers.
ConversionConversion EmoticonEmoticon